有性趣：美國母女齊闖成人界

最近美國有單新聞，唔知大家會覺得係世風日下，定係發掘商機呢？話說今年52歲嘅美國OnlyFans成人博主Mrs. Robinson，早前喺美國一個網絡節目受訪時表示，其24歲嘅女兒Amber Blake因受佢影響而投身到成人界搵錢，而且兩母女同時都大受歡迎。

唔會同床演出

熟女Mrs. Robinson喺成為OnlyFans嘅成人博主之前，係一位經驗豐富嘅營銷主任，因為厭倦朝九晚五嘅工作生活，兩年前開設OnlyFans頻道，從最初售賣火辣寫真，到後來製作成人影片，運用豐富嘅營銷經驗，成為冒起得極快嘅OnlyFans成人博主，更喺XBIZ頒獎禮上獲得「最佳熟女媒體之星」提名。佢表示初時女兒Amber Blake只係戥佢開心，但後來眼見佢發展得愈嚟愈好，於是上年1月便決定加入行列，並喺佢嘅教路下極速爆紅，更喺今年初舉辦嘅XBIZ上獲提名「冒起最快網絡之星」。兩人嘅故事自然引嚟唔少負評，只係兩母女卻話呢啲係佢哋嘅自由，最重要係工作得開心。不過問到兩人會否合作演出，佢哋好肯定咁話唔會！