有性趣：婆孫夫妻私密播

大家有冇諗過，20幾歲年輕力壯嘅男仔會娶70幾歲嘅老婆婆呢？原來喺現實中真係有對英國老妻少夫年齡相差53歲，佢哋仲相當有情趣，拍片分享閨房生活添！

網民爭住睇

老婆Amelda今年77歲，而老公Gary Hardwick今年24歲，佢哋已經結婚6年，換言之男方娶女方時，只係得18歲，啱啱攞成人身份證咋，而Amelda笑稱當時老公只係比佢個孫仔大3歲。據佢哋講，兩人喺Amelda兒子嘅葬禮上認識，當時Amelda問Gary兩人年齡差距咁大，會唔會唔係咁適合，男方不但回答話年齡只係數字，最重要係佢對女方一見鍾情，係佢嘅夢中情人咁話，結果兩人拍拖兩個禮拜便閃婚。Gary稱婚後兩公婆每晚都會跟自己48歲嘅母親及71歲嘅祖母見面，而二人嘅婚姻亦得到佢哋嘅祝福，6年嘅夫妻生活亦相當愉快。最近佢哋更喺Onlyfans開設頻道，分享閨房私生活，不但獲得極高人氣，IG更有超過1.8萬粉絲，唔少網民盛讚佢哋之間係真愛！