昔日東方有性趣：紅燒牛鞭 補腎夠堅！
男人想補腎壯陽，好多時都會採取「以形補形」嘅飲食策略，向鹿鞭、海狗鞭等食材埋手，用佢哋嚟浸製補酒。不過，買咗條鞭返屋企浸酒，起碼要等大半個月先飲得，想快啲進補嘅話，可考慮食牛鞭。今日就為大家介紹一款壯陽佳餚─紅燒牛鞭，即買即煮，仲可以即晚享用，啱晒性急又為食嘅男士們！
要咩材料？
炮製紅燒牛鞭，當然要有牛鞭啦，分量大約一斤，再預備500毫升雞湯，同埋其他調味料，就可以開工！
點樣炮製？
步驟1：將牛鞭洗乾淨，再用滾水淥一淥，清一清內裏嘅雜質。
步驟2：將牛鞭放入鍋內，加入清水，同埋適量嘅薑、葱、花椒一齊煮，藉此增加風味兼去除腥騷味。
步驟3：煮到牛鞭熟爛之後，可以將佢撈起切段，再落鑊用油爆炒一下。
步驟4：炒到牛鞭有少少焦香，就可以加入雞湯、適量嘅醬油、糖同鹽，再煮到湯汁變得濃稠之後就可以食用。
有乜功效？
呢款紅燒牛鞭具有補腎壯陽、益精補髓等功效，適用於改善虛損勞傷、腰膝痠痛、腎虛陽痿、耳鳴目眩、年老瘦弱等問題。牛鞭本身嘅營養成分亦相當豐富，蘊含雄激素同蛋白質，佢嘅膠原蛋白含量更高達98%，女人食咗可以有美容效果。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
