有性趣：古代帝王點樣回春？

縱然有錢又有後宮，但要享受夜夜笙歌嘅生活，冇精力絕對不能成事，因此歷代帝王都有自己嘅一套養生保健法，又或者係養生回春法。不過歷代帝王有咁多，佢哋所崇尚嘅又係乜嘢保健養生方法呢？呢本由臥龍村人所撰寫嘅著作，便收錄咗古代帝王各種養生之道，如何令佢哋精神十足，除咗應付朝中大小事外，更能保持精力滿足後宮。據作者講，歷代帝王都擁有長壽嘅願望，故此佢哋都從道家養生學中吸收知識，因此成為每朝秘傳嘅帝王養生回春術，例如報稱能令人脫胎換骨嘅呼吸法、治病養生嘅氣功鍛煉術等。至於會唔會推介各種傳說中能壯陽補陰嘅丹藥、大補湯酒等術方呢？作者坦言佢唔推崇呢種方法，故此未有喺書中收錄。