洋媚女子：火辣鋼管舞 熱爆眼球

咪以為美國四仔只係一味由頭到尾啪啪啪，其實當中亦有唔少出色嘅劇情作品，好似呢套由Les Comperes出品嘅《Tiffany The Sexy Usher Girl》就係其中之一。由Les Comperes自編自導，並搵嚟鋼管舞藝出色嘅脫星Tiffany Leiddi、Victoria Beauregard、Anna Polina等演出，個個舞姿都達到專業級水平，故事講飾演鋼管舞劇場帶位員嘅Tiffany Leiddi，每晚望住人氣鋼管舞女郎Anna Polina嘅演出，令佢相當嚮往喺舞台上表演，於是每晚趁冇人時，就會偷偷練習鋼管舞。直至有一晚，佢嘅迷人舞姿被劇場老闆發現，因而成為新進鋼管舞女郎，兩人更發展出情慾關係。而Anna Polina面對Tiffany Leiddi嘅挑戰，決定嚟個舞台比併，睇吓邊個能吸引更多觀眾入場，結局卻係出乎意料。

乜嘢叫做高質嘅四仔作品？睇過呢套由DORCEL製作嘅《Sunset》就會知道，事關從攝影、配樂到脫星嘅演出，全部都有相當高嘅製作水平。由曾獲得多個四仔頒獎禮獎項嘅Herve Bodilis執導，搵嚟Clea Gaultier、Cherry Kiss、Clara Mia等多位人氣脫星，更遠赴西班牙拍攝，足見製作認真同心思。雖然片長只得90分鐘，但以愛情故事包裝嘅情慾作品，卻係相當有深度之作。故事講脫衣舞女郎Clea Gaultier受邀到西班牙著名嘅度假小島演出，期間邂逅一位著名西班牙球員，繼而發展出一段浪漫嘅愛情故事。不過一直隱瞞脫衣舞女郎身份嘅Clea Gaultier，最後能否有大團圓結局呢？咁就要留待大家自己睇喇！