宅男天地：激鬥女淫魔

日本嘅ACGN作品有唔少以迷宮、地下城、古堡為故事背景嘅冒險作品，玩家喺呢啲場景同大批魔物作困獸鬥，真係何其刺激！如果遊戲中加埋情色元素嘅話，感覺會唔會刺激得嚟又香艷呢？由Astronauts製作嘅遊戲《深淵的Labyrinthos》，就可以畀大家體會箇中滋味。

呢款RPG遊戲嘅故事發生喺一座名為「塔」嘅巨大迷宮建築，話說喺某日失去記憶嘅男主角Welt喺塔內甦醒，手上持有一把黑色魔劍，佢好希望走出呢座「塔」，但因為迷宮內充滿腐蝕人心嘅「混沌」，更有一位由「混沌」產生嘅女淫魔「混沌眷屬」，令男主角飽受各種肉體及言語挑逗。究竟Welt能否逃到「塔」外？定係沉醉喺色慾迷宮內？結果交畀玩家決定。