昔日東方有性趣：蛤蚧參茸酒補氣壯陽
唔少外國人都覺得中國人能人所不能，喺飲食方面可以接受到一啲賣相令人睇見都驚驚嘅食材，蛤蚧就係其中一種！講真我哋真係好應該感謝前人多作嘗試，否則會食少好多正嘢，更加唔會發現食用蛤蚧嘅好處。好似今日要為大家介紹嘅蛤蚧參茸酒，就可以幫助男士壯陽補氣，上到床自然有更佳表現！
有咩材料？
蛤蚧參茸酒係可以自行炮製，事前要預備一對蛤蚧，其他材料包括人參30克、肉蓯蓉30克，巴戟天20克、桑螵峭20克，同埋鹿茸6克。見到材料清單有人參又有鹿茸，就知道呢款酒有幾補。
點樣炮製？
做法方面，真係好簡單，將上述材料放入浸酒用嘅器皿，加入兩公升白酒，然後密封，期間要不時將器皿搖動，令材料嘅有效成分更容易釋出。浸泡大約半個月，就可以飲用，每日早晚空腹各一次，每次約20至30毫升。
有咩益處？
人參、鹿茸、蛤蚧可以培補元氣、益精養血；巴戟天、桑螵蛸、肉蓯蓉則有助補腎壯陽、強壯腰膝，所以呢款蛤蚧參茸酒可用於改善元氣虧虛、血不養精而引起嘅陽痿、夢遺滑精、神疲氣短、腰膝冷痛等問題，好啱男士飲用。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
