有性趣：蓯蓉羊肉粥壯陽強體質

材料包括肉蓯蓉15克、羊肉100克以及白米50克，做法係先將肉蓯蓉加水煮爛，然後去渣留汁備用；羊肉切片或切碎備用。用白米加水煲成粥，不過水分要較正常少，因為要預備加入肉蓯蓉汁，將肉蓯蓉汁以及切好嘅羊肉加入粥內煲到羊肉熟透就可以食用。

肉蓯蓉味甘、鹹，性溫，具有補腎陽、益精血嘅功效，一直都被視為男士嘅補身佳品，至於羊肉含有豐富蛋白質及礦物質，有益氣補虛、溫中暖下嘅功效，所以男士食咗呢味蓯蓉羊肉粥，有助補腎壯陽、增強體質、潤腸通便，以及改善陽痿、遺精、早洩、性機能減退等問題。