今夜一丁：鈴原莉子 以胸療人

日本寫真界臥虎藏龍，唔少女優都係專業人士，好似松村加南子係一名藥劑師、西原愛夏就係牙醫助護，而今日為大家介紹嘅鈴原莉子亦係嚟自醫護界。今年6月將踏入30歲嘅莉子，天生麗質，個樣仲係好後生同純真，好似十八廿二嘅妹妹仔，笑容甜到漏，散發出強烈嘅陽光感，對男士嚟講，真係好有療愈能量。講到阿妹嘅身材，就更加正，一來肌膚又白又嫩，二來上圍對F奶豐滿又夠彈性，仲要每次出鏡都要着到勁少布，露出誘人嘅胸形曲線，相信絕大部分男士嘅視野都會被佢吸引住，乜嘢煩惱都會冇晒！

莉子喺2018年踏足寫真界，當時佢有三大賣點，除咗天真面孔同豐滿身材之外，仲要係「現役女護士」！話說莉子喺入行前，已經有8年護士工作經驗，家陣佢仲係以護士為正職。另外，莉子喺時間同精力管理方面，可以話係大師，事關佢一邊拍寫真一邊做護士，基本上已經夠晒忙碌，但係佢仲有本事抽時間喺咖啡店工作，依家更加成為店長，證明撈得好掂，難怪佢被稱為「三刀流巨乳寫真偶像」。問到莉子點解要搞到自己咁忙呢？佢就話除咗希望喺30歲之前搵到一份真正適合自己嘅工作，亦好想喺未來日子開番一間屬於自己嘅咖啡店，實行做老闆娘。

鈴原莉子

年齡：29歲

身高：5呎3吋

三圍：34-24-34

鈴原莉子係真正大忙人，除咗拍寫真、做護士、去咖啡店打工之外，仲會不時出席攝影會，想知道佢嘅最新動態，又想睇吓佢嘅靚相嚟療愈身心，就要多啲登入佢嘅社交網。

網址：https://twitter.com/suzuhara_riko