宅男天地：魔法寶石爭奪戰

以冒險為題嘅十八禁作品有唔少，但係好嘅作品為數唔多，令人失望嘅原因在於故事設定流於簡單，而呢款由Cabbage Soft製作嘅遊戲《Jewelry‧Hearts‧Academia -We will wing wonder world-》可以話係少有嘅佳作，事關裏面有宏大嘅世界觀，仲有錯綜複雜嘅情慾關係，令玩家有種沉醉其中嘅感覺。故事發生喺一個名為弗里吉亞嘅國家，男主角索瑪傑斯奉命潛入該國嘅皇家珠寶學園，尋找一粒名為「意志」嘅神秘寶石，於是佢化身成珠寶學徒到學園做臥底。不過，學院裏面有唔少「同學」懷住同一目的入學，包括魔美少女貝爾卡、高冷美人維奧、調皮獸女瑪雷等等。隨住相處時間耐咗，索瑪傑斯嘅後宮團慢慢形成，而威脅呢個世界嘅危機亦愈嚟愈逼近。