有性趣：砂鍋牛尾改善腰痛陽痿

材料包括帶皮牛尾1,000克、雞肉300克、干貝10克、雲腿30克、雞湯1.5公升，以及葱段、薑片、花椒等。製作方法係先將牛尾清洗乾淨再剁成段；雲腿切成片；干貝去筋洗淨；雞肉則用滾水烚熟備用。燒紅隻鑊後加油燒熱，再加入花椒、葱段、薑片，炒出香味之後，將牛尾放入鑊用大火炒，之後倒入料酒繼續炒，直至牛尾熟透，就可以拎出牛尾用水洗淨備用。喺砂鍋放入雞湯，再將牛尾、雲腿、干貝和雞肉，用細火燉4小時就可以食用。

牛尾性味甘、平，具有有補氣、養血、強筋骨等功效，從現代營養學角度嚟睇，牛尾含有豐富蛋白質、磷、鈣、鐵等，營養豐富，而呢味砂鍋牛尾有補腎壯陽及暖腰膝嘅功效，有助改善腰痛、陽痿、早洩等腎虛病症。