有性趣：鹿髓強陽生精

鹿髓即係梅花鹿嘅骨髓，味甘，性溫，歸腎經，具有補陽、益陰、生精、潤燥等作用，有助治療虛勞羸弱、肺痿咳嗽、陽痿、血枯等問題。唔少中醫藥典籍都有記載鹿髓嘅功效同特性，例如《綱目》係咁寫「補陰強陽，生精益髓，潤燥澤肌」，而《日華子本草》更指「地黃汁煎作膏，填骨髓；蜜煮，壯陽，令有子。」

喺古代，鹿髓通常用嚟浸酒或熬煮成膏使用，亦可以用嚟製成藥丸，以取其補益效果。嚟到現代，大家想搵現成嘅鹿髓係有啲難度，但坊間有唔少以鹿髓製成嘅滋補粉狀沖劑，又或者係口服劑出售。當然，為穩陣起見，大家喺服用之前，一定要先向註冊中醫師諮詢佢嘅專業意見。