有性趣：女車手因乜事要下海？

憑住出色嘅小型賽車成績，喺2013年成為職業賽車手嘅佢，多年嚟出戰過百場國際賽事，雖然成績一般，但憑住迷人嘅樣貌為唔少車迷所熟知。點知喺2019年突然宣布離開車壇，並以「賽車再唔能夠燃起我嘅激情」為理由，轉戰收費成人影片頻道搵銀。當時唔少車迷覺得奇怪，因為縱然唔再鍾意賽車，卻未必一定要拍成人影片，只係一直以嚟佢冇解釋當中原因。

直到早前，Renee Gracie終於喺媒體訪問下道出箇中原因。原來當時佢為雜誌拍攝火辣寫真後，就喺Onlyfans開設頻道，估唔到24小時就已經賺到2萬4千美元，而當時佢做賽車手嘅年薪，只有1萬6千美元而已。面對如此吸引嘅收入，佢二話不說便宣布退出賽車界，全力喺網絡發展。原來講到底，都係為咗個錢字。