有性趣 ：AV廠自製戲服夠逼真

女優激讚

話說AV片廠ROCKET嘅道具組「ROCKET道具部」，經常喺官方社交網分享佢哋嘅工作日常，早前便因一則製作戲服嘅分享而成為網絡熱話。事緣道具部表示為製作最逼真嘅便利店員制服，佢哋喺新宿一間布料店買布，跟住搵紙樣同車衫，最後成功做咗件相當逼真嘅便利店員制服出嚟，女優川菜美鈴着住嚟演戲時，更激讚話制服嘅質感相當好，絕對可以量產咁話！

實力超強

呢個貼文一出，吸引到唔少日本網民嘅留意，有網民坦言一直以嚟都忽略AV中嘅道具，家陣至知原來AV片廠嘅道具部實力超強，從做新聞直播室、泥漿摔角台、快餐店到路牌等，統統都難佢哋唔到。雖然獲網民嘅讚賞，但「ROCKET道具部」嘅工作人員卻坦言，由於佢哋公司做開「妄想企劃」關係，故此題材眾多，有時真係做到好辛苦㗎！