昔日東方有性趣：曳曳都講經濟學？
有人話男女關係係場博弈，不過有經濟學家認為愛和性係建立於經濟學之上，男歡女愛嘅性關係，亦可以用經濟學嚟解釋，如果想知道當中原因嘅話，就要睇吓呢本《性‧愛‧經濟學》。
大開眼界
作者係加拿大經濟學者瑪麗娜‧艾德謝（Marina Adshade），2008年佢喺大學開設名為「性愛經濟學」嘅課程，當時佢將兩性關係跟經濟學扯上關係，結果大受歡迎，更先後接受雜誌、電視台、電台及報章訪問。不過乜嘢叫做「性愛經濟學」呢？例如點解女同性戀者會賺更多錢？要有幾多薪酬先至可以令青蛙變王子？點解矮男可以娶到嬌妻？有趣嘅話題固然令閱讀性大增，加埋經濟學理論嘅分析，更係令人眼界大開。
出乎意料
講到眼界大開，書中最經常被談論嘅內容，就係作者指出20至29歲嘅男士對性愛熱衷，但隨年齡增長而減退，反而50至59歲嘅熟女則對性愛產生熱情，故此佢認為姊弟戀先至係最符合經濟學原則嘅愛情關係，真係出乎意料。如果對呢類話題感興趣，就唔好錯過啦！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
