宅男天地：高清重製經典作

近年遊戲界興起以高清重製經典作，當然唔少得十八禁遊戲啦，由CLOCKUP推出嘅《Sentinel HD Remaster》就係其中一部。呢套超人氣作品早喺2007年面世，開發商為咗令玩家可以喺高清時代重新體驗呢款經典遊戲，落實將遊戲高清化，兼且加插唔少新畫面，令人期待。劇情方面，仍忠於原著，故事發生喺聖誕節前嘅一個月，男主角徹希望能夠喺節日來臨前搵到心儀對象，而喺佢身邊就出現一班條件唔錯嘅異性，包括同佢青梅竹馬嘅依元美緒、樂天陽光少女掛川陽樹、名門千金九條院霞、成熟女Miss天城九音、單身母親時刻久遠等等。究竟被一個古怪夢境纏繞嘅徹，最終會選擇邊個做女友呢？