昔日東方有性趣：紅樓夢海參杞子燴鴿蛋勁補
小說嘅情節通常係虛構，但係有啲內容又會參考番現實生活嚟創作，好似中國四大名著《紅樓夢》入面提到一款美饌叫「海參杞子燴鴿蛋」，唔止好味道，對於男士補身仲好有作用添！
預備乜嘢材料？
顧名思義，要炮製呢款美食，最基本要預備海參（兩條）、枸杞子（15克）同鴿蛋（12隻），再配上雞湯、生薑、葱、澱粉等調味佐料。
點樣煮法？
步驟1.先將枸杞子洗乾淨。發好嘅海參就切成一塊塊。鴿蛋烚熟之後剝殼，再沾粉放落油鑊炸成金黃色。
步驟2.主材料準備好之後，就將鑊燒熱，加入適量食油，油熱之後加葱、薑煸炒，再倒入雞湯。
步驟3.湯滾後放海參煨煮約40分鐘，然後加入鴿蛋、枸杞子煮多10分鐘。
步驟4.將鑊內嘅材料撈起，之後可以為湯汁打個生粉芡，再落到海參鴿蛋上面，就可享用。
有乜嘢功效？
呢款美食有海參、枸杞子同鴿蛋，三樣材料都有補腎益精嘅功效，配埋濃雞湯，更加可以氣血雙補，對於腎虛引起嘅陽痿滑精、腰痛腿軟、尿頻耳鳴，同埋因肝腎精虧而引起嘅頭昏眼花、視力下降同身體孱弱都有一定改善作用。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
