有性趣：帝王偏方 食咗硬如鐵？

記載於《房術玄機中萃纂要》嘅「漢武帝御製遍宮思」，雖然並未提及藥方名跟漢武帝之間嘅關係，但卻聲稱對增強男士嘅雄風極有作用，材料分別有川芎、南木香、山梔、薄荷、細辛、天麻子、白芷、防風及砂仁，做法相當簡單，就係將所有材料碾成細末後，以煉蜜搓成藥丸便可。

至於服用方法卻要相當小心，除咗要空肚以溫酒服用外，仲要連服7日並停服一日，跟住再繼續服用，而喺服藥期間要以絹袋包裹兵器，並且唔能夠行房，及至7日之後才能有性生活。據稱服藥後「莖硬如鐵」，如果想解除藥力嘅話，只需飲碗紅棗湯就得。

從中醫角度睇，山梔具有治熱病虛煩不寐、淋病、目赤、咽痛、尿血、熱毒瘡瘍等功效。不過話說回來，點解呢道壯陽藥方會同漢武帝扯上關係呢？據傳漢武帝後宮女性有8人，當中嘅後宮之爭不但激烈，更傳漢武帝亦愛男色，可能因為多姿多采嘅後宮生活，令佢跟壯陽藥扯上關係。