宅男天地：美少女貓奴

喺好多人眼中，貓同美少女都配得上「可愛」呢個形容詞，而將會喺5月尾發售，由CUFFS製作嘅最新遊戲《貓與女子宿舍》，就有齊上述兩大元素，擺明以可愛為賣點，再加埋大灑鹽花，啱晒一班想擁有龐大後宮嘅玩家！

故事發生喺一間歷史悠久嘅女子宿舍，名為「港灣」，而由於男主角八坂勇氣嘅表姐係宿舍管理員，所以佢一直喺宿舍幫忙，仲慢慢被女子宿舍內嘅一眾美少女吸引，好似女僕咖啡店員紅葉明良、成熟巨乳大姐檜葉美月等等。隨住八坂家族遺傳嘅超能力覺醒，男主角開始運用同貓咪溝通嘅能力，為一眾美少女解困，仲發展埋超友誼關係，但面對咁大棚後宮佳麗，男主角真係有本事駕馭嗎？呢一層就要考驗各位玩家了！