有性趣：按摩益精法

講起做運動，原來間唔中幫自己按吓摩，都可以促進腎臟嘅氣血循環，喺中醫學說中有所謂「腎主藏精」，意思指腎臟係人體生長、發育、生殖之源同活動之根，所以強化腎功能，就能達到腎精旺盛嘅目的。至於點樣按摩法，以下兩招可供大家參考：

第1招：側身搓腎式

步驟1.先仰臥閉目，兩手握緊放喺身體兩邊，用口吐氣，用鼻吸氣。

步驟2.向左橫臥，兩手手掌摩擦直至產生溫熱，再將右手貼喺背部腰骨上，喺背骨右側部位（腎臟部位）上下摩擦30次。

步驟3.轉為向右橫臥，做同樣動作。以上動作重複進行3次至5次。

第2招：浸浴搓腎式

步驟1.浸喺浴缸，雙腳向前伸直，或成屈膝端坐。

步驟2.左右手繞到背後，將拇指同食指揉搓兩側腎臟位置約30次。

步驟3.將兩手手掌貼喺腎臟位置，上下摩擦30次以上。以上動作可以重複3次至5次。