AV達人：休息一年終引退

今年好多有實力嘅天后級AV女優排住隊咁引退，當中最震撼嘅一定係高橋聖子，除咗佢之外，仲有一位天后要引退，佢就係市川雅美。佢2014年加入SOD，不過就唔係做AV女優，而係喺社內嘅宣傳部工作，之後亦好似前輩櫻井彩咁，一邊做職員一邊客串拍AV，到2016年正式以AV女優身份演出。

另外，佢加盟新生惠比壽麝香葡萄，後來因為表現活躍而接替明日花綺羅成為隊長。然而，因為太忙太多工作，搞到身體漸漸出現問題，腰痛尤其嚴重，後來發現原來係腰椎突出問題所致。雅美已經有一年冇拍AV，最近仲宣告引退，原因正係健康問題。而引退作已經完成並將於5月推出，不過雅美表示引退之後依然會從事幕前工作，繼續唱歌同拍粉紅電影，粉絲們唔使怕見唔到雅美嘅演出喇！