今夜一丁：佐野雛子 神之比例Body

日本寫真界有好多女優都身材纖巧，例如游走賽車女郎界同寫真界嘅一代寫真女王川崎彩咁，就因為身材高挑婀娜，條腰只得20吋而被稱為「神腰女王」，然而川崎彩早前已經光榮引退，令唔少寫真迷為之神傷！好彩，擁有如此纖幼腰肢嘅寫真女優唔只得佢一個，仲有今日同大家見面嘅佐野雛子。

今年27歲嘅佢，五官標致，散發出迷人嘅女人味，笑起上嚟仲相當甜美可人。除咗樣子姣好，身材更被稱為「神之比例Body」，原因係佢身材夠纖巧，條水蛇腰同川崎彩一樣都係20吋，腰幼之餘胸前更擁有一對G奶，而且肉地結實富彈性，如此身材的確係世間罕見，質素絕對係神級！

雛子讀中學時開始兼職做模特兒，由於樣貌可愛身材又好，因而成為時尚雜誌嘅專屬模特兒，之後再踩入寫真界發展，同時亦進軍影視界，以演員身份拍過唔少電視劇，包括《來自灰色星球的小王子》、《認識的妻子》等等，至於電影作品亦有《探險隊之榮光》，演出經驗豐富。

除咗拍戲同拍寫真，佢亦相當受其他媒體歡迎，特別係美容雜誌，因為好多女仔都夢想擁有雛子條20吋水蛇腰！佢表示為咗Keep Fit，每星期都會去健身室兩次，每日只會食一至兩餐，早餐就唔食，仲會照鏡留意一下身形有冇改變。雛子花咗咁多工夫的確有效果，所以最近推出最新一本寫真集《BE WITH ME》嘅銷情理想又備受好評。

佐野雛子近期推出最新寫真集，而佢亦將相關報道嘅消息轉載到自己嘅社交網，大家可以從中欣賞一下佢嘅驕人身材。

網址：https://twitter.com/hinachimuu