昔日東方有性趣：側屈運動強腰壯腎
腰痛問題令好多男士備受困擾，唔想自己成為下一個受害者，平時做粗重工夫嗰陣，一定要採用正確姿勢，而長時間坐定定工作嘅朋友，就要得閒做多啲腰部運動，防患於未然。咁乜嘢動作可以達到預防腰痛、強壯腰腎嘅效果？不妨試吓側屈運動！
增強靈活度
脊椎屬於人體運動嘅軸心，腰部就係呢個軸心嘅關鍵部位，亦因為呢個緣故，經常做腰部運動，可以強腎健體之餘，仲可以保持脊柱嘅靈活性，促進腹腔、盆腔嘅血液循環，而側屈運動就係一個好選擇。
動作好簡單
側屈運動一啲都唔複雜，首先身體要企直，兩腳張開到同肩膊一樣闊度，然後兩手叉腰，上身盡可能向左或右兩邊側屈體，左右交替各做15次就可以。
刺激腎俞穴
喺中醫角度，側屈運動除咗可以鍛煉腰肌之外，亦有助刺激腰部一帶嘅穴位，當中有好幾個穴位同腎臟有密切關係，例如腎俞穴、腰眼穴同埋腰陽關穴，前兩者有助補益腎氣，後者則利腰腿、溫腎陽，對男士保持雄風有幫助。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
