有性趣：一滴精十滴血？

呢句話嘅出現，主要有兩個原因，第一個係相傳男人一生嘅精液產量有限，如果男人一生發射超過6千次就會精盡人亡，第二個原因係男士每次發射升空後，都會有種虛脫及昏昏欲睡嘅感覺，有人認為係同元氣外洩有關。

從醫學角度嚟講，以上兩個講法都係毫無根據，首先男人一生嘅精液產量並非有限，只要保持良好嘅生活習慣，身體健康精液就會不斷製造。事實上，精液當中只有百分之十嘅成分同血液一樣，成分中有9成係水，其餘分別係脂肪、蛋白質顆粒、色素顆粒、胺類等。

至於點解男士發射後，總會覺得昏昏欲睡呢？主要有兩個原因，其一係如果男士體內嘅睪固酮愈多，發射後身體活動能量便愈低；其二係男士發射後，體內會產生催乳激素，會抑制多巴胺分泌，因此會令全身放鬆兼想瞓覺，正因為咁，有人便以為係發射後元氣外洩，而導致有虛脫嘅錯覺。