宅男天地：美少女怪盜團

家陣日本啲遊戲開發商為咗喺市場中突圍而出，就算推出十八禁作品，都會畀心機喺劇情上搞吓新意思，呢款由SAGA PLANETS製作嘅《AMBITIOUS MISSION》就係好例子。故事由一個傳說開始，話說只要集齊12顆星星嘅人，就可以夢想成真，去到眾人嚮往嘅沙幌市。某夜，男主角根津御影誤打誤撞去到美少女怪盜阿爾蒂小姐嘅犯罪現場，意外發現佢嘅真身竟然係城中富豪嘅千金有瀨月姬！為咗唔想身份被暴露，月姬索性將御影拉埋入自己組成嘅怪盜部，但呢個決定引嚟唔少麻煩，喺不斷拆彈嘅過程中，兩個人慢慢建立起「深厚」關係。後來，御影仲化身成「怪盜午夜」，同月姬一齊出動，為集齊12顆星星而努力，而喺呢段期間，懷住同一目的嘅美少女不斷出現，御影能否把持得住呢？