有性趣：一葉荻益腎強筋

從中醫角度嚟睇，其味辛、苦，性溫，具有祛風活血、益腎強筋嘅功效，對於治療陽痿、風濕腰痛、眩暈、耳鳴、四肢麻木、面神經麻痹、小兒麻痹後遺症等都有幫助。唔少中醫藥典籍亦有記載一葉荻嘅功效，如《湖南藥物誌》稱一葉荻能夠「補腎壯陽，強筋骨，通血脈。」另外，《廣西藥植名錄》謂一葉荻可以「治婦女白帶。」可謂男女都啱食。

一葉荻主要係內服，用3至5錢分量煎湯服用，加入獨活，有助祛風濕，加入仙靈脾，則有補腎壯陽作用。不過大家要注意嘅係，一葉荻含有毒性，中毒後有機會引起脊髓性抽搐等問題，所以要小心服用，最好先詢問中醫師，以策安全。