有性趣：腎虛3大徵狀

想知道自己係咪腎虛，可以留意身體有冇出現以下3種徵狀：（1）夜尿頻繁，正常男人一般喺入睡之後唔會成日起身小便，但係腎虛的話就可能要一晚起身小便三幾次。（2）頭暈耳鳴；（3）腰痛，原因係好多同腎臟有關嘅穴位都喺腰部，個腎出事就自然影響埋條腰啦！

想改善腎虛有好多方法，其中一個就係用暖包敷一敷穴位，包括位於下腹部肚臍下1.5吋位置嘅氣海穴、肚臍下約四隻手指位置嘅關元穴以及位於肚臍正後方嘅命門穴，熱敷呢3個穴位可以收溫陽益氣、扶正固本、培元補虛作用，從而改善腎虛問題。