有性趣：酒後亂性，真的嗎？

「酒後亂性」呢個講法唔係完全無根據，事關攝入小量酒精，可以喚起女性嘅性敏感度，更易獲得性高潮，而對於男士嚟講，小量酒精亦能令兵器更易硬直。不過，當男女飲醉咗，情況就會完全唔同！

首先，當女性進入醉酒狀態，會變得難以獲得性高潮，蜜洞亦會變得唔夠濕潤；男士方面，兵器難以硬直，更難以發射升空。如果一個人醉到進入昏睡狀態，更加冇可能做出亂性嘅行為。換句話講，酒後亂性只會發生喺一人清醒，一人扮傻嘅情況下。

順帶一提，醫學專家唔多鼓勵大家喺醉酒後發生性行為，主要原因係一個人飲醉咗，神志會變得模糊，未必會做足安全措施，有可能增加感染性病嘅風險。