有性趣：毛髮濃密性慾強？

不過對於呢種講法，醫學界認為係錯嘅，原因有兩個。首先私處毛髮量多寡，係同遺傳基因、種族等有關，其次係同女性體內嘅腎上腺皮質所產生嘅雄激素水平，及私處毛囊對雄激素嘅敏感度有關，敏感度愈高自然毛髮量愈多愈密，而坊間傳聞亦因為呢點而產生。事關雄激素係決定性慾嘅關鍵，故此便有人認為毛髮量同性慾有直接關係。不過醫學界指出，毛髮量係毛囊對雄激素敏感度而定，雄激素愈多，毛囊敏感度卻愈低，故此從女性私處毛髮量嚟衡量性慾旺盛與否，呢個傳聞自然不攻自破。

話說回來，如果女性毛髮量勁多，包括手毛、腳毛及腋毛，呢個時候便要小心，因為咁可能係患上多囊性卵巢症候群嘅徵兆，而呢個病症嘅特徵，就係會令女性體毛出現增生、月經次數減少、易生暗瘡、脫髮、體重增加等情況，不但會出現不孕，甚至會增加患上子宮內膜癌嘅風險。