有性趣：食秀珍菇腰腿有力

秀珍菇別名側耳、糙皮側耳、蠔菇、平菇、北風菌、黑牡丹菇等，新鮮可以食用，曬乾之後亦可以入藥。從中醫角度嚟睇，其味鹹，性溫，歸肝、腎經，具有補腎壯陽、追風散寒、舒筋活絡等功效，對於治療陽痿遺精、腰腿疼痛、腰膝無力、手足麻木、筋絡不舒等特別有幫助。

而從現代營養學角度，秀珍菇含有人體必須嘅8種胺基酸，包括異亮氨酸、亮氨酸、色氨酸、苯丙氨酸、蘇氨酸、纈氨酸、蛋氨酸及賴氨酸。另外，亦含有豐富嘅維他命B1、B2和維他命C及D，以及鈣、磷、鐵等礦物質，可謂營養豐富，男女都啱食。