有性趣：鰕虎魚 益氣壯陽

有沙溝魚、沙鰮、叼浪魚、沙竹、光魚、油光魚、呵浪魚等別名嘅鰕虎魚，係一種依附喺岩石、河床、海床或珊瑚生活嘅魚類，品種極多，根據目前已有嘅紀錄，同屬鰕虎魚科嘅動物有成2,000種，而佢哋除咗食蝦，仲會以小魚、甲殼類動物、軟體動物、藻類為食糧。

喺中醫學角度，鰕虎魚味甘、鹹，性平，歸胃、脾、腎經，據《食物本草》同《綱目》嘅記載，佢具備壯陽道、健筋骨、行血脈、暖中益氣等功效，可用於治療陽痿、遺精、早洩等問題，亦可以改善虛寒腹痛、胃痛、疳積、消化不良。

另外，鰕虎魚含有維他命B12、卵磷脂、蛋白質、脂肪、葉黃素、β胡蘿蔔素等成分。不過，唔係每種鰕虎魚都可以食用，部分有機會含河豚毒素，所以千祈唔好亂咁捉嚟食。