有性趣：變身性愛達人

兩位作者辰見拓郎及三井京子大有來頭，前者曾撰寫《性犯罪目錄》、《危險性愛檔案》等，後者亦有《女人的性愛步驟指導手冊》、《如何讓愛液源源不絕》等指導性作品，佢哋嘅著作喺日本相當有影響力及公信力，所以呢本書由強強聯合下所著成，可謂集大成嘅作品，從最微細嘅指尖動作，到情濃時嘅肢體交流，種種方法都全面覆蓋，務求令大家全方位提升性技巧，難怪佢哋會稱本書為「超性愛指導」。

呢本書最適合兩類人閱讀，分別係面對肉帛相見時唔知點入手，或覺得床上玩法已去到技窮境地嘅男女，都能從中獲得新靈感及新發現。至於書中內容有啲乜呢？三井京子先講幾乎所有女性都係享受口愛，如果對方抗拒嘅話，只係男士未了解為女伴口愛嘅技巧而已；辰見拓郎則從男士嘅角度出發，要拋開性愛就係活塞運動嘅誤解，其實只要掌握女士嘅敏感帶，縱然未到活塞運動，亦已能令女伴高潮迭起，而當中嘅技巧就要大家從書中領悟喇。