有性趣：漫畫性愛經

呢本名為《讓我們一起唉喲愛喲：現代愛經指南》嘅漫畫，係旼照女王嘅作品。呢位性感得嚟又感性嘅漫畫家，筆下內容游走於情色與色情之間，獲得大量韓國女性喜愛。喺佢嘅眼中，《愛經》嘅內容雖然有啲露骨，但好有啟發性，所以決定將當中部分內容結合現代男女嘅情慾生活，改編成現代版愛經。

漫畫中探討嘅內容都幾有趣，舉例：乜嘢叫做最高等嘅交合？接吻時，雙手應該做啲乜？點解有啲男人鍾意大波，有啲男人鍾意翹臀？男人嘅兵器可以分為邊幾級？男人執着大兵器，女人又介唔介意私處嘅大細？聽到呢啲Topic，係咪好感興趣呢？不妨睇吓漫畫家點樣用清新嘅畫風同溫暖度十足嘅文字，為大家提供答案吧！