有性趣：雪蓮花持久力激增

雪蓮花有雪蓮、霄荷花、大拇花、大木花、雪荷花等別名，其味甘、苦、性溫，歸腎經，具有溫腎壯陽、調經止血功效。喺唔少中醫典籍亦有記載雪蓮花嘅特性，如《四川中藥志》稱雪蓮花可除寒痰、補血、溫暖子宮、改善月經失調外，仲有壯陽及治療陽痿作用，真係男女都啱呀！

想以雪蓮花製作食療，不妨炮製一味雪蓮乳鴿煲，材料包括雪蓮花10克、枸杞10克、肉蓯蓉10克、鮮淮山150克以及乳鴿一隻。做法係將砂鍋燒熱再加適量食油，放入淮山炒到金黃色備用；乳鴿切成小塊，肉蓯蓉則用熱水泡軟後切片，然後將枸杞、淮山放入砂鍋再加入適量清水，以小火燉20分鐘後就可以食用，呢味雪蓮乳鴿煲具有補腎益精、養肝明目及抗衰老功效，男女都啱食！