宅男天地：戀愛實習班

溝女嘅樂趣令好多男人不能自拔，尤其係有機會周旋喺幾位索女之間，更加令人樂此不疲，難怪遊戲開發商好鍾意以後宮系戀愛作品嚟招呼電玩迷，好似呢套由Marmalade推出嘅《Study § Steady 2》，就令好多十八禁遊戲玩家相當期待。

作為《Study § Steady》嘅續集，除咗承接番之前嘅故事情節，仲加入咗一位新嘅蘿莉系女角色沼津潤海。話說由玩家操控嘅男主角，要同4位後宮進行戀愛實習，包括校花墹之上由乃、美乳俏師姐八重澤彌榮、叛逆師妹三島星彩，同埋醉心黑魔法嘅沼津潤海，睇吓自己最愛邊個。遊戲唔單止以玩家主觀角度進行，愛情及情慾元素平衡度恰到好處，最重要係曳曳場面夠晒鹹度，係一套質量相當高嘅作品。