有性趣：化身格雷大開色戒

此書由台灣著名性學博士許佑生撰寫，聲稱係一本愉虐入門書，故此書中主要講解主人及奴僕扮演技巧、輕量級嘅玩法、所需要嘅道具等。作者表示雖然坊間有唔少以愉虐玩法為題材嘅著作，但由於讀者唔單止要求高，亦要求有更為深入淺出嘅指南式書籍，故此希望透過呢本書為大家提供更多刺激，令性生活變得更為豐富。書中亦收錄作者近年所收集番嚟嘅個案，透過佢哋嘅經歷，解釋玩愉虐嘅動機及心態。

點樣做到深入淺出呢？作者先從各個層面解析愉虐嘅本質係乜嘢，例如點解透過捏、咬、打等動作會令人興奮起來、點解有人會鍾意畀人奴役、點解有人卻鍾意做掌控他人嘅主人等。此外，亦會講解對愉虐有興趣嘅男女，點樣做一個稱職嘅主人及奴僕角色、應該點樣打臀部先至具催情嘅效果、情趣皮鞭應點樣揮動及用咩力度先至算係恰到好處等。書中仲提供「愉虐身體情慾地圖」，等大家能一圖睇晒，容易掌握透過愉虐技巧嚟開發身體各部位嘅快感。