有性趣：腳擘擘 淫蕩格？

關於呢個傳聞嘅來由，有人話係同古代相學有關。據稱「O型腿」呢種兩腿合唔埋嘅女性，佢哋比較重視性慾云云。不過亦有人附和稱，傳教士式體位進行期間，女方兩腿不但要擘得大，仲要承受男士嘅衝擊，久而久之便會令身體變形，故此認為呢個傳聞具相當可信性，只係有網民卻以自身經驗分享，去過唔少夜場，當中嘅囡囡兩腿唔見得擘得太開。既然係咁，梗係要睇吓醫學界點睇啦！

從醫學角度嚟睇，大腿合唔埋嘅原因，其實係同骨盆寬度及大腿寬度有關。如果骨盆寬度正常，卻因為體形瘦嘅話，大腿自然合唔埋，或者骨盆寬度闊而大腿正常，兩腿同樣合唔埋，又或者「O型腳」嘅人兩腿同樣都係合唔埋。不過姑勿論原因如何，大腿合唔埋跟性生活係咪頻繁，根本一啲關係都冇。此外，「O型腿」嘅出現大多係同嬰兒時過早站立、行走時間過長、缺乏營養同鍛煉等有關，導致大、小腿內外兩側肌肉群及韌帶嘅收縮及伸展力量唔平衡，同樣跟性生活習慣係零關係。