宅男天地：女僕玩飛釘

喺日本大受歡迎嘅動畫《貓娘樂園》，本嚟係十八禁電玩作品，自從喺2017年經過改編後，當中女角色嘅火辣身材全部收埋晒，而今次介紹嘅模型，係遊戲中嘅人氣女角色椰子，其造型有番十八禁嘅味道，令人眼前一亮。

喺遊戲中，椰子係一位金髮美女，唔止胸前有料，仲有修長美腿兼個性溫柔，吸引唔少粉絲支持。但自從作品「從良」後，佢嘅身材被強制性收起，而呢款模型算係回歸基本步，化身女僕造型登場，性感度十足，最大賣點係玩埋飛釘，對於舊粉絲嚟講，原作嘅味道真係返晒嚟！