有性趣：嘩！一個榴槤三隻雞？

溫補散寒

榴槤係一種原產於東南亞嘅常綠喬木，佢嘅果實被帶刺嘅果皮包裹，果肉呈黃色，帶黏性，酥軟味甜，並帶有濃烈嘅氣味。喺中醫角度，榴槤味甘，性熱，有活血散寒、滋脾補氣、補腎壯陽等功效！對於體虛嘅朋友嚟講，榴槤絕對係一種增強體質同幫助恢復體力嘅食物。

增強免疫力

俗語有云：「榴槤當三雞」，意思指一個榴槤嘅營養等於三隻雞咁多！講真，呢個說法有啲誇張，但無可否認，榴槤含有蛋白質、碳水化合物、維他命、礦物質、葉酸等多種有益元素，營養價值確實比一般水果高。另外，佢亦含有7種人體必需嘅氨基酸，能夠幫助提升人體嘅免疫功能。