有性趣：開發情慾變身女神

性愛幻想

阿爾蒂西亞表示喺25歲以前嘅性能力，就好似日本動漫《龍珠》中嘅幼年悟空，但經過多年研究及實驗後，家陣嘅戰力已去到解救地球嘅等級。佢之所以咁有自信，係因為經研究後發覺性慾要靠自己培養之餘，亦透過閨密兼著名婦產科醫生宋美玄身上得知，日本有約6成伴侶都冇性生活，當中嘅原因係唔少男女只會喺性慾嚟到時先至會曳曳，卻不知道打開性慾之門嘅方法，故此佢認為只有提升性幻想，至能夠令人有曳曳嘅動力，難怪咁多人鍾意睇AV。

有趣比喻

不過最為讀者所推崇嘅，唔單止係作者嘅研究分享及報告，仲有佢幽默搞笑嘅文筆，例如佢話令人銷魂嘅口愛，並唔係要似強力吸塵機咁大力吸啜、正確挑逗女性小豆子嘅方法，應該係以「用轉動軌迹球嘅力道，並以《麵包超人進行曲》嘅節奏速度觸摸」、當男人除掉女伴嘅內衣褲時，會出現好似發現亞特蘭提斯咁情緒高漲。文筆搞笑得嚟又有內容，係本娛樂及實用性相當高嘅著作。