有性趣：食荔枝床上更有火

荔枝又有大荔、丹荔、離支、火山荔等別名，屬於中國嶺南地區出產嘅水果，含有豐富鐵、鈣、磷、胡蘿蔔素及多種維他命，而從中醫角度嚟睇，荔枝味酸、甘，性溫，歸脾經、肝經，具有壯陽益肝、生津、益血、理氣、止痛等功效。唔少中醫藥典籍亦有記載荔枝嘅食療功效，據《泉州本草》稱荔枝具有「壯陽益氣、補中清肺、生津止渴、利咽喉。治產後水腫、咽喉腫痛」等作用。

雖然荔枝有益，但係由於糖分高，所以糖尿病患者絕對不宜食用。至於其他人亦唔好食用過量，因為會產生頭暈、臉色蒼白、飢餓感、出冷汗、噁心、手足無力等症狀，嚴重的話仲可能出現抽搐、呼吸不規則甚至突然昏迷，醫學上稱之為荔枝急性中毒！