有性趣：人奶可消炎殺菌？

想知道有冇消炎及殺菌作用，便要先了解人奶嘅成分。首先所含蛋白質僅為牛奶三分之一，主要係讓嬰兒容易吸收乳清蛋白。其次，人奶含有促進嬰幼兒腦部、視網膜等器官發育所需嘅不飽和脂肪酸及脂肪酶。此外，人奶含有高乳糖及礦物質，不但有利嬰兒成長，而當中嘅乳酸菌亦有利嬰兒腸道產生乳酸，促進腸胃對鈣嘅吸收，並抑制有害細菌生長。另外，最重要係人奶當中嘅免疫活性物質，如乳鐵蛋白、溶菌酶、分泌型免疫球蛋白A等，均具有幫助嬰幼兒對抗腸道及呼吸道等疾病嘅作用。

所以人奶對於嬰兒具有消炎作用，但係對成人嚟講，就唔會有太大嘅效果。原因係初出生嘅嬰兒免疫力較低，腸道等消化系統未成熟，而成年人卻有相當成熟嘅免疫系統，各種消化酶均齊全，透過均衡嘅營養補充，至係最佳嘅做法。順帶一提，坊間傳聞老人飲人奶有好處，其實相對人奶，不論從中定西醫角度，老人飲羊奶會更好，既比人奶有營養，又更為易吸收呀！