世界CUP：和地司豪邁I奶妹

好多人話女仔人家切忌冇儀態，假如言行舉止豪邁到成個麻甩佬咁，外表再靚都會嚇到啲男仔唔敢埋身。之但係世事無絕對，正如今期「世界Cup」主角和地司，性格爽直，鍾意飲番兩杯，喺人哋眼中好似冇乜儀態，但依然不乏支持者，問你服未？

幸保巨乳

日本寫真女優可以話係相當神奇，奇在佢哋有本事令身材變瘦，但係一對巨乳卻可以保持分量，好似寫真女王熊田曜子，三十幾歲兼生咗3個小朋友，積極減肥之後，身材仲弗過以前，條腰練到有肌肉線條之餘，上圍對最強巨乳依然勁大，真係唔到你唔服！

今日同大家見面嘅和地司，神奇程度不遑多讓，上年參加咗一個減肥挑戰，成功將體重大減10.8公斤！雖然佢之後嘅體重漸漸回升，但肚腩冇再回歸，而更重要嘅係，胸前一對「國寶級」I奶力保不失，襯埋一身透明感十足嘅美白肌膚，真係正到痹！

不顧儀態

講番和地司嘅出道故事可追溯至2011年，但一開始唔係做寫真妹，而係加入一支叫MEGURIAI嘅女子團體做藝能偶像。2013年，阿妹參加選美活動「Miss YOUNG」，繼而投身寫真拍攝工作，結果好快打響名堂，仲獲得電視台注意，經常搵佢演出，由於每次玩遊戲都玩到癲晒，有幾次仲玩到疑似走光，搞到事後好多觀眾都討論佢到底有冇露點。

其實和地司嘅性格都幾「麻甩」，唔介意將自己醜陋嘅一面公開，試過喺自己經營嘅視頻公開冇剃乾淨腋毛嘅畫面，最近為慶祝新年更將自己由頭到腳塗滿墨汁，然後印落白紙，事後成個人由白變黑！不過，正因為和地司咁豪邁奔放，所以吸引到唔少粉絲，所以話女人冇儀態一樣有人Buy，當然樣貌同身材要好似阿妹咁正先得。

顏值分析

今年28歲嘅和地司，係典型童顏巨乳女優，笑起上嚟好似妹妹仔咁可愛，相當得人鍾意！

和地司

年齡：28歲

身高：4呎10吋

三圍：35-24-35

胸器解構上圍：35吋I Cup

養眼度：★★★★

噴血度：★★★★

評語：心口一對I奶好有分量，質感軟彈適中，並擁有「國寶級巨乳」嘅霸氣稱號。

社交網站