有性趣：朱古力堅係催情兼壯陽？

據記載朱古力呢種由可可豆製成嘅食物，最早嚟自中美洲及南美洲，當地人一直相信可可豆能催情及壯陽，而墨西哥阿茲特克國王蒙特蘇馬二世更係堅信呢種講法。後宮眾多嘅佢，每日都會飲番杯用可可豆、香草、辣椒、蜂蜜等材料製成嘅飲品「Xocoatl」嚟增強持久力。1517年佢將呢杯飲品推介畀前來探訪嘅西班牙人埃爾南．科爾特斯，對方更將呢杯性愛特飲帶回西班牙，其後再演變成加入糖、肉桂、牛奶等所製成嘅朱古力。

不過坊間傳說歸傳說，朱古力係咪真係具有壯陽同催情嘅作用呢？據近代醫學研究發現，可可豆含有精胺酸、色胺酸、成分苯乙胺醇等成分，當中嘅精胺酸可增加血液流動，故此對兵器硬直有一定幫助。只係相對壯陽，朱古力對女性嘅催情效果更加明顯，皆因佢含有色胺酸能刺激腦內分泌一種喜悅物質，加上苯乙胺亦能產生快樂效果，兩者能令女性進入動情狀態，同時亦更易得到性高潮，故此有人話女士們喺曳曳前先食一粒朱古力，高潮在望。