有性趣：「千金一釐散」 助你變硬漢

藥方中用上「千金」兩字並非譁眾取寵，因為佢用嘅藥材確實名貴，分別有人參及當歸各4両，用水熬煮成膏嘅川椒2両，經人奶浸泡過嘅蟾酥4錢及麝香1錢。做法相當簡單，將所有材料碾成粉末後，放入瓷器內儲藏並密封便可。

至於用法係每次行房前，從瓷器中取出1釐分量嘅粉末，然後搽喺兵器上，待一個時辰後再以溫水清洗，跟住便可以行房，據書中稱「其效不可殫述」。話說回來，1釐即係幾多呢？即係約0.037克。而藥材中嘅當歸，從中醫角度嚟睇，當歸頭能止血，當歸身能養血，而當歸尾則能行血，故此古代唔少男士均會食用當歸，其中就有清代嘅乾隆皇帝，據《乾隆醫案》記載，佢最愛飲嘅養生藥酒「龜齡酒」同「松齡太平春酒」，均用上當歸製作而成。