有性趣：保腎延年百人斬

佢記載於作者及著作年份均不詳嘅奇書嘅《毓麟驗方》當中，雖然藥方名有「保命」二字，但其實係指男人嘅「命根」，令床上表現精壯，所用嘅材料分別有酸棗仁、人參、白茯苓及天門冬。做法係先將所有材料用酒浸泡一日，然後放喺瓦上烘乾，再碾成細末便可。每次曳曳前取出3錢分量，以溫酒送服，便可盡情曳曳。據書中稱呢道藥方「可敵百婦，大能保腎延年，真仙藥也」，不但可以連戰百女，仲具有強身健體嘅功效，係咪好神奇呢？

材料中嘅酸棗仁，其實係一種常見嘅藥材，主產於河北、陝西、山西、山東等地嘅酸棗，當果實成熟後，除去果肉並碾碎果核後所取出嘅種子，就係酸棗仁。據漢末成書嘅《名醫別錄》中稱，酸棗仁具有治虛汗及煩渴等作用，同時具有補中益肝氣、堅筋骨及助陰氣嘅功效。