有性趣：男人不可食隔夜蛋？

無稽之談

翻查資料，發現以上兩種講法，主要喺中國南方廣為流傳，有北方嘅網民聽到呢個傳聞便反問：「如果係真嘅話，咁茶葉蛋點解又能賣通街？」咁又係喎！薑醋蛋又點計先？不過，如果覺得網民講法唔夠專業嘅話，睇吓專家點講。事實上唔少醫生已解釋過，不論係「大布袋」定係「小腸氣」均屬無稽之談，反而要留意隔夜蛋嘅保鮮問題。如果係熟蛋嘅話，喺低溫環境下可保存到約48小時；如果係半熟雞蛋，則容易因孳生細菌而導致腸胃不適、脹氣等情況。

雞蛋壯陽

講起雞蛋嘅坊間傳聞，仲有關於雞蛋可以壯陽？傳聞係話雞蛋含有蛋白質及鋅，可補充男士嘅精力，尤其係鋅更係睪丸製造雄激素嘅重要物質，故此雞蛋能壯陽。不過有營養師表示，從營養成分嚟睇係合理，但事實上成年男士每日需要15毫克鋅，而1隻雞蛋只含有0.52毫克嘅鋅，如果要達到壯陽目的，每日就要食超過29隻雞蛋。此外，熟雞蛋比生雞蛋食用時更安全，呢點大家要留意呀！