昔日東方有性趣：下午補腎最理想
作息時間正常最好不過，但好多港人因為種種理由，日夜顛倒，身體好容易出問題！喺中醫學角度，每日有12個時辰，每個時辰對應人體唔同嘅經絡，要達到養生目標，就要喺唔同時候做唔同嘅事，例如子時（深夜11時至1時）、丑時（深夜1時至3時）同寅時（凌晨3時至5時）係膽經、肝經同肺經值班嘅時段，最好覺覺豬。至於想強壯腎氣嘅話，就要等腎經最旺嘅時間做嘢，亦即係下午5時至晚上7時，只要適當地刺激同腎臟相關嘅穴位，就能幫助增強腎功能！
方法1：按摩湧泉穴
湧泉穴係腎經最重要嘅穴位，位於腳底中線前三分之一嘅交點處。經常按摩湧泉穴，可以令腎氣充足、腰膝壯實不軟、精神充沛。刺激方法係用手指按壓再打圈輕揉約5至10分鐘。
方法2：按摩關元穴
關元穴位於肚臍直下3吋，呢個穴位被視為閉藏元神之處。適當刺激關元穴，可收到補元氣、壯腎益精等作用。刺激方法同樣係用手指按壓再打圈輕揉約5至10分鐘，亦可利用艾灸，將已點燃嘅艾條放喺距離關元穴外1至2吋位置約15分鐘便可。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
