有性趣：蓮花 益腎澀精

效用奇妙

佢記載於古代著作年份及作者均不詳嘅奇書《毓麟驗方》中，雖然話係用上蓮花一種材料，但當中卻係包括蓮花所有部分，包括旱蓮蓬、頭粉及蓮花蕊，當中嘅頭粉其實即係蓮花嘅花粉。做法亦好簡單，將所有材料混合並碾成細末便可，實在相當方便。用法方面，每次曳曳時取出藥粉，用水混合後搽喺女性私處或男士兵器上，然後就可以進行活塞運動，據書中稱使用後「兩情甚濃」，效果相當奇妙。

醫治夢遺

據《中藥大辭典》指蓮花粉味甘淡，性清涼，無毒，入心腎經，具有清心、益腎、澀精、止血等作用，對醫治夢遺亦有功效。講起花粉，古代有位著名女性更係嗜食花粉，佢就係武則天。據明代著作《山堂肆考》中記載，武則天因為常食花粉，年過八旬仍然紅光滿面並且精力旺盛，故此能日理萬機，因而花粉被視為養顏同養生嘅妙品。