有性趣：持久全靠「如意線」？

呢個咁古怪嘅壯陽偏方，就係嚟自作者及著作年代均不詳嘅奇書《毓麟驗方》之中，材料包括川椒5錢、白芷5錢、黃柏及官桂各1錢5分、麝香2分、蟾酥8分，以及一條粗白線。做法係先將所有材料放入鍋內，加入兩湯碗水煎煮，再將粗白線放入其中浸泡，之後取出粗白線陰乾便可。

喺行房2至4小時前，用燒酒或溫水濕潤粗白線，然後縛喺兵器上，進行活塞運動時將線解開，據書中稱能起到久戰不洩嘅功效，係咪好神奇呢？材料中所用到嘅黃柏，又稱黃蘗，為黃蘗樹樹皮經加工後製成。據元代李東垣所著嘅《珍珠囊補遺藥性賦》稱，黃柏具有治療遺精嘅功效，可謂男士恩物。